Seaskak nabarmendu du Patrick Dallennes suprefetaren mehatxuak ez duela eraginik ukan hautetsien artean. Herriko ondasun bat alokatzea legezko hautu bat dela gogorarazi du Seaskak.
"Eragile guztiek dakite gaur egun, ikastolen garapenean oztopoak jartzea euskararen berreskuratze prozedura arrunt gelditzea dela" erran du Seaskak. Frantziako Gobernuari dei egin dio aterabide iraunkorra atzeman dezan, ondasunak ikastolen esku ezartzeko edo ikastolen inbertsioetan parte hartzeko xedea duten herri erakundeek hautu hori gauzatzeko eskumena ukan dezaten, Estatuaren mehatxuak pairatu gabe.
