Hego Euskal Herriko osasun sistemek argitaratutako informazioaren arabera, atzo beste 45 lagun erietxeratu zituzten COVID-19aren sintomak larriagoturik. Nafarroako Gobernuak zehaztapena egin du herrialde horretan ospitaleratutakoei buruz: bost izan zira guztira, eta horietako bat ZIUan sartu dute zuzenean. Horiek aintzat hartuta, une honetan 380 paziente daude Hegoaldeko erietxeetan COVID-19aren sintomak larriagotuta, eta horietako 96 ZIU zainketa intentsiboetako unitateetan daude, larri.
Transmisioari buruzko datuei dagokienez, Osakidetzak eta Osasunbideak beste 457 kasu detektatu zituzten atzo Hegoaldean, 7.063 diagnostiko proba eginda. Hau da, testen %6,4k eman dute positibo.
Lurraldez lurralde, Eusko Jaurlaritzak eta Nafarroako Gobernuak emandako datuen arabera, Bizkaian 191 positibo atzeman dira; Gipuzkoan, 112; Nafarroan, 111, eta Araban, berriz, 37.
