Hego Euskal Herriko transmisioari loturiko aldagaietako datuek erakusten dute apurka-apurka behera doala kutsatuen kurba. Eusko Jaurlaritzak eta Nafarroako Gobernuak eman berri duten informazioaren arabera, atzo 498 positibo detektatu ziren Hegoaldean. 7.302 proba egin ziren gaitza atzemateko, eta, beraz, %6,8 izan zen positiboen portzentajea.
Zehazki, Bizkaian 199 kasu atzeman zituzten; Gipuzkoan, 136; Nafarroan, 101, eta Araban, berriz, 50.
Ospitaleei dagokienez, Hego Euskal Herriko osasun sistemek 42 lagun erietxeratu zituzten atzo gaitzarekin eri. Zehaztu dutenez, ZIU zainketa intentsiboetako unitateetan 98 dira, larri. Gainera, Nafarroako Gobernuak jakinarazi du birusarekin eri zen pertsona bat hil dela herrialdean.
