Beste 50 milioi euro jarriko dituzte AHTa egiteko

DONOSTIA. Abiadura handiko trenaren Gipuzkoako zatiko lanak egiteko, Eusko Jaurlaritzak beste 50 milioi euro jarriko ditu. 2011ko aurrekontu proiektuan aurreikusi du diru kopuru hori, eta, hala, guztira 275 milioi euro emango ditu datorren urtean. Lanak oso azkar egiten ari direlako justifikatu du diru igoera hori Iñaki Arriola Jaurlaritzako Garraio sailburuak.