Gaur Zumaiako Baleike komunikabideak jakinarazi duenez, joan den larunbatean bi gizonezkok emakume bati eraso egin zioten, etxera bueltan zihoala. «Ez dugu etxera bidean atzera begira joan nahi. Haserre gaude, gure janzkerak gure gorputzekin nahi duzuena egiteko eta iraintzeko aitzakiatzat hartzen dituzuelako. Haserre, gure eguneroko beldurrak benetakoak direla gogorarazten digutelako halako gertaerek», adierazi du Zumaiko Mugimendu Feministak.
Erasoa salatzeko manifestazioa Beheko plazan hasiko da, ostiralean, 19:00etan.
