Fiteroko Monasterioa kalean gertatu zen ezbeharra, 09:15 aldera. Gizonezkoa zebrabidetik kanpo errepidea gurutzatzen ari zela, auto batek harrapatu zuen.
Zauri larriak zituen, eta erietxera eraman zuten. Ordu batzuk geroago hil zen, Iruñeko Udaltzaingoak jakinarazi duenez.
Bestalde, Senpereko emazte bat hil zen ostiralean Larresoroko (Lapurdi) D918 bidean. Furgoneta batek harrapatu zuen emazteak gidatzen zuen autoa. Furgonetak kontrola galdu, eta autoa jo zuen. Emazteak 81 urte zituen. Haren ondoan zegoen gizona, 84 urtekoa, larriki zauriturik eraman zuten Baionako ospitalera. Furgonetaren gidaria, berriz, arinki zauritu zen.
