Bi atxilotu Lizarran, droga trafikoa leporatuta

IRUÑEA. Foruzainek bi pertsona atxilotu dituzte Lizarran (Nafarroa), droga trafikoa leporatuta. Bikotea dira atxilotuak, 34 urteko gizon bat eta 33 emakume bat. Foruzainek aditzera eman dutenez, egunak eman dituzte bikote honen atzetik, eta beren etxean jendearen sartu-irten handia zegoela ikusi zuten. Marihuanarekin trafikatzea egotzi diete. Etxean propio saltzeko prestatutako marihuana dosiak aurkitu dizkietela esan dute.