Bi enpresa talde lehiatuko dira Gipuzkoako Zubietako errauste planta egiteko.Hain zuzen ere, aurkeztu ziren hiru taldeetako bat lehiaketatik kanpo geratu dela jakinarazi du Gipuzkoako Hondakinen Partzuergoak, hedabideetara igorritako ohar batean. Izan ere, Amenabarrek, LKSk (MCC) eta Sener Ingenieriak aurkeztutako proposamena atzera bota du Partzuergoak. Argudiatu duenez, «eraginkortasun teknikoaren baldintzak» ez ditu betetzen, eta eta horrelako azpiegiturak eraikitzeko eta martxan jartzeko behar den esperientzia ere ez du bermatu.
Hala, bi enpresa taldek dute aukera errauste planta egiteko: Befesa Aguak, Befesa GRIk, Galdianok, Construcciones Antzibarrek, Thyssengroupek eta Novergiek osatutakoak, batetik; eta FCCk, Serbitzuk, Altuna y Uriak eta AE&Ek osatutakoak, bestetik.
Eraginkortasun teknikoaren txostenean enpresa taldeek aurkeztu behar dituzte erreferentziak biolehortzeko plantari buruz eta errauste plantari buruz. Lanen eskaintza hurrengo urteko urtarrilean egitea espero duela jakinarazi du Gipuzkoako Hondakinen Partzuergoak.
Bi enpresa talde lehiatuko dira Zubietako errauste planta egiteko
Hiru talde aurkeztu ziren, eta kanpoan geratu da LKS, Amenabarrek eta Senerrek osatutakoa
Iruzkinak
Ez dago iruzkinik
Ordenatu
