Bi gizon atxilotu dituzte Bilboko metroan, emakume bati sexu erasoa egin diotelakoan

20 eta 22 urteko bi mutil gazte atxilotu zituen atzo gauean Ertzaintzak Bilbon, metroan, emakume bat jotzea eta sexu erasoa egitea leporatuta.

Ertzaintzako iturriek agertu dutenez, gaueko hamar eta erdiak aldera gertatu zen erasoa: emakume bat nasan zegoen trena iristeko zain eta bi mutil gazteak inguratu zitzaizkion. Ezertxo ere esan gabe joka hasi zitzaizkion, eta, halaber, bularretan eta ipurdian ukitu lizunak egiten. Metroko zaindarietako batek zer gertatu zen ikusi zuen, eta neskari laguntza ematera joan zen. Halaber, laguntza eskatu zien beste lankide batzuei.

Polizia iturrien arabera, Ertzaintza iritsi zenean ustezko erasotzaileak atxikita zituzten zaindariek, 20 eta 22 urteko bi gazte. Emakumeak eta zaindariak osasun zerbitzuen laguntza behar izan zuten hainbat kolpe baitzituzten.