Bilboko udaltzainek 31 urteko bi gizon atxilotu zituzten atzo, euren neska-lagunak jo zituztelakoan, Udalak gaur jakinarazi duenez.
Aurreneko atxiloketa goizeko hirurak aldera egin zuten, Poza kalean. Ustez gizonezkoak —A.J.J.— kolpeak eman zizkion emakumezkoari saihetsaldean, eta ondoren biktima artatu nahi izan zutenak mehatxatu egin zituen.
Beste gizona —A.C.A.— Telesforo Aranzadi kalean atzeman zuten udaltzainek, neska-lagunari aurpegian jotzea eta ondoren hura lurrera botatzea leporatuta.
