Eraso egin diotela salatu du emakume batek Bilbon. Jaiak dituzte Uribarri auzoan, eta han izan da erasoa ere, goizaldean. Segurtasun Sailak zabaldu duenez, bi gizon atxilotu dituzte Matiko kalean, sexu askatasunaren aurkako delitua egitea egotzita.
Salaketaren arabera, ukituak egin zizkioten bi gizonek emakumeari. Udaltzaingoak atzeman ditu bi gizonak, eta Ertzaintzaren esku utzi ditu jarraian. Gertatutakoa ikertzen ari dira segurtasun indarrak.
