Bi gizon atzeman dituzte Nafarroan, bikotekideei eraso egitea egotzita

Nafarroako Foruzaingoak bi gizon atxilotu ditu azken astean, bikotekideei eraso egin dielakoan.

Berriozarren 51 urteko gizon bat atzeman zuten pasa den ostiralean, bikotekideari labanarekin mehatxu eta eraso egin ziolakoan. Emakumeak azaldu duenez, azken hiru urteetan ere eraso egin zion atxilotuak.

Tafallan, berriz, pasa den ostegunean 62 urteko gizonezko bat atxilotu zuten azken lau hilabeteetan ustez emazteari jo ziolako.

Bi kasuetan emakumeek atxilotuen aurkako salaketak jarri dituzte.