Bi gizonezko atxilotu dituzte Bizkaian bikotekideei eraso egitea leporatuta

Bikotekideei eraso egin diotelakoan, bi gizonezko atxilotu zituzten atzo Bizkaian, Eusko Jaurlaritzaren Herrizaingo Sailak gaur jakinarazi duenez. Lehendabizikoa Basaurin atzeman zuten, 17:00 inguruan. 52 urteko gizonezkoak bikotekidea jo zuen, eta hau ospitalean artatu behar izan zuten hankan zituen zauriengatik, Herrizaingo Sailaren arabera.

Bertze gizonezkoa, 23 urtekoa, 20:30 aldera atxilotu zuten Bilbon. Herrizaingo Sailak dioenez, bikotekidea aurpegian kolpatu zuen, eta hura ere ospitalean artatu behar izan zuten.