Bi gizonezko atxilotu ditu Gasteizko Udaltzaingoak azken egunotan, bikotekideei eraso egitea leporatuta. Udaltzaingoak gaur jakinarazi duenez, lehen atxiloketa joan den ortziralean egin zuen, eta bigarrena atzo goizean.
32 urteko gizonezkoa da iragan ortziralean atzemandakoa. Blas de Otero kaleko denda batean patruila batek dendariari erasoka ari zen gizonezkoa atxilotu zuen, Udaltzaingoaren arabera. Iturri berberak dioenez, biktimak poliziei azaldu zien bikotekideak zirela, eta emakumeen kontrako indarkeria leporatuta atxilotu zuten ustezko erasotzailea.
Atzo goizean, berriz, 44 urteko gizonezkoa atxilotu zuen Udaltzaingoak. Iturri horren arabera, udaltzainek gizonezko bat emakume bati eraso egiten ikusi zuten Eulogio Serdan kalean, eta atxilotu egin zuten. Udaltzainen arabera, biktimak kontatu zien ustezko erasotzailea bikotekidea zuela. Lehendik urruntze agindua zuen, Udaltzaingoak jakinarazi duenez.
emakumeen aurkako indarkeria
Bi gizonezko atxilotu dituzte Gasteizen, bikotekideei eraso egin dietelakoan
Iruzkinak
Ez dago iruzkinik
Ordenatu
