Eusko Jaurlaritzako Segurtasun Sailak jakinarazi duenez, Sabadell-Gipuzcoano banketxeko sukurtsal batean sartu dira bi lagun Abantoko Blasco Ibañez kalean, gutxienez batek aurpegia estalia zuela.
Lapurreta saioaren berri eman diote Ertzaintzari, eta bertara joan dira hainbat polizia. Lapurra tirokatzen hasi denean, Ertzaintzak ere tiroz erantzun dio, baina ez da zauriturik egon.
Lapurrek ez dute azkenean ezer eraman. Ihes egiten saiatu dira, baina bi harrapatu egin dituzte. Hala ere, batek ihes egitea lortu du, eta oraindik ez dute aurkitu.
Lapurreta gertatu den unean artean ez zegoen bezerorik barruan.
Ertzaintza gertatutakoa ikertzen ari da. Banketxea inguratua dute, eta froga bila dabiltza.
