Bi espainiar dira atxilotuak, Espainiako Barne Ministerioaren arabera. Iturri horrek dio Guardia Zibilak miaketa zorrotzak egiten dituela Santurtziko Portuan, bai merkantzia garraioetan eta baita jendea daramatenetan ere, eta kontrol horietako batean atzeman zituztela migratzaileak.
Autokarabana aurreneko aldiz arakatu zutenean ez zuten ezer topatu, baina, han zihoazen bi laguni "jarrera susmagarria" sumatu zieten. Orduan, maletak irekitzea erabaki zuten, eta maletategian, lastaira baten azpian, lau albaniar topatu zituzten, Barne Ministerioaren arabera, "baldintza oso txarretan".
Ibilgailua zeraman bikotea atxilotu egin zuten, legez kanpoko migrazioa egotzita. Barakaldoko Auzitegiaren esku dago auzia.
