Bi lagun zauritu dira Santurtzin sute batean

Sutea piztu da bart goizaldean Santurtziko (Bizkaia) etxebizitza batean, eta bi lagun erietxera eraman behar izan dituzte kea arnastu dutelako.

Jaurlaritzako Herrizaingo Sailak agertu duenez, goizeko bostak aldera piztu da sua Mendialdeko kaleko etxebizitza bateko sukaldean. Bertan bizi diren bi lagunek euren kabuz itzali ahal izan dute, baina gero Barakaldoko Gurutzetako ospitalera eraman behar izan dituzte kea arnastu dutelako.