Errepide istripu larria izan zen atzo Uharten (Nafarroa). Bi autok eta kamioi batek elkar jo zuten, eta bi pertsona bertan hil ziren. Beste hiru pertsona, berriz, larri zauritu ziren. Zauritutako lagunen artean emakumezko bat eta haren alaba daude, baita kamioi gidaria ere. Guztiak Nafarroako Ospitalera eraman zituzten egoera larrian.
18:00 aldera izan zen ezbeharra, P-30 errepideko 11. kilometroan. Dirudienez, auto bat kontrako noranzkoko errepidean sartu zen, eta kamioi baten aurka jo zuen. Horren ondorioz, kamioilaria, kontrola galdu, eta kontrako bidera pasatu zen, beste auto baten aurka jo zuelarik.
Bidea itxita egon zen bi noranzkoetan. Ezbeharra nola gertatu zen ikertzen ari dira foruzainak.
