Bi urteko haur bat hil da Tafallan igerilekuan itota

TAFALLA. Etxeko igerilekura erorita 2 urteko neskatila bat hil zen atzo Tafallan (Nafarroa). Iruñeko Gobernuak jakinarazi duenez, 15:35 aldera jaso zuten abisu deia 112-SOS zerbitzuetan. Lekura joan ziren sendagileek haurra suspertzeko ahaleginak egin zituzten, baina ez zuten hura egonkortzerik lortu. Helikopteroz ospitalera zeramatela hil zen.