Eusko Jaurlaritzako Segurtasun sailburu Estefania Beltran de Herediak esan zuen Guardia Zibilaren "kontrol bidegabeek" herritarren "haserrea" pizten dutela. Sindikatuak salatu du Guardia Zibilaren kontra eginiko "beste eraso bat" direla Beltran de Herediaren hitzak.
ETA "lo baina bizirik" dagoela nabarmendu du sindikatuak, eta erantsi erakunde armatuak ez duela "duen armategi handia" eman: "Nolabait, legeak babestuta, horiek kentzen saiatu behar dugu; adibidez, kontrol selektiboekin".
Bestalde, adierazi du guardia zibilak direla "haserre" daudenak: "Ikusi behar dugu nola mugimendu abertzaleak elkarretaratzeak egiten dituen kuartelen aurrean, eta elkarretaratze horiek delitu izan litezke".
