Biharamuneko pilulari buruzko txostenaren zain

Espainiako Gobernua biharamuneko pilulari buruzko txostenaren zain dago. Hainbat eskatu ditu jada, pilula hori errezetarik gabe emateko egokitasuna argitzeko asmoz. Espainiako Osasun ministro Ana Matok nabarmendu du iritzi kontrajarriak jasotzen dituzten txostenak badirela botika horren inguruan. PSOEk, berriz, arrazoi ideologikoak ikusten ditu bertze txosten bat eskatzeko erabakiaren atzean. Uste dute PPk ez duela biharamuneko pilula errezetarik gabe eman nahi. Sozialistek uste dute, ordea, biharamuneko pilula eraginkor izateko ahalik eta azkarren hartu behar dela eta errezeta derrigorrezkoa bada nahi ez diren haurdunaldiak izateko arriskuak gora eginen duela.