Bikotea jo duelakoan, gizon bat atzeman dute Altsasun

ALTSASU. Nafarroako Foruzaingoak gizon bat atxilotu zuen iragan igandean Altsasun (Nafarroa), bikotekidea jotzea egotzita. Liskar baten berri jaso zuen Poliziak iluntzean, Nafarroako Gobernuaren arabera. Bikotearen etxebizitzara heldu zirenean, andreak foruzainei jakinarazi zien liskar handia izan berri zutela bikotekideak eta biek, eta gizonak eraso egin ziola. Ustezko erasotzailea, 35 urtekoa, atxilotu egin zuten.