Ertzaintzak 31 urteko gizonezko bat atxilotu zuen atzo gauean bikotekideari eraso egitea leporatuta. Ertzainek beraiek ikusi zuten gizonezkoak emakumezko bikotekideari iletik tiratzen ziola eta joka ari zitzaiola. Kalean jazo zen erasoa, Gasteizen.
Erasoaren ondorioz emakumezkoak hainbat kolpe zituen, eta Santiago ospitalera eraman zuten artatzera. Gizonezkoa, berriz, genero indarkeria delitua egotzi eta atxilo hartu zuten.
