Bilbobus autobus konpainiako langileek goizean egindako lanuzteak ez du aparteko gorabeherarik eragin, Bilbobus kudeatzen duen Veolia enpresak azaldu duenez. Eusko Jaurlaritzak finkatutako zerbitzu minimoak bete dira konpainiaren arabera, eta 09:30etik aurrera normaltasunera itzuli da autobus zerbitzua.
18:00etatik 20:00etara beste lanuzte batera deitu dute langileek. Ostiralerako, eta martxoaren 6, 8, 13 eta 16rako lau orduz greba egitera deitu dute.
Veolia enpresaren jarrera salatu nahi dute langileek mobilizazioen bidez. Haien hitzetan, lan hitzarmena "blokeatua dute", eta langileen baldintzak "gero eta kaskarragoak" dira.
