Bizkaiko Foru Aldundiak salatu duenez, bart gauean Bilboko metropoliaren hegoaldeko saihesbidea handitzeko lanetan aritzen zen hondeamakina bat erre dute, eta kiskalita geratu da erasoaren ondorioz. Ohar batean, Bizkaiko Foru Aldundiak erasoa gaitzetsi du, eta elkartasuna adierazi die enpresari eta langileei. Enpresak salaketa bat jarri du eta Ertzaintza zer gertatu den ikertzen ari da.
Aldundiak gaineratu du aurreko egunetan ere sabotajeak izan direla Supersurreko lanetako makinerian. Horrelako ekintzak desagerrarazi egin behar direla adierazi du.
