Bilboko Aste Nagusiaren "arriskuaz" ohartarazten duten panfletoak banatu dituzte gaur Bilboko Konpartsek hiriburu osoan zehar. Eskuorri horien xedea, bilbotarrek Kaskagorri eta Txori Barrote konpartsek "jasandako erasoei buruz gogoeta egitea da", Zuriñe Baña eta Garikoitz Goikoetxea konpartsetako ordezkarien arabera.
Izan ere, Bilboko Udalak bi konpartsa horiei txosnak jartzeko eta jaietan parte hartzeko baimena ukatu die aurten "terrorismoa goratzen" duten argazkiak eta pankartak erakustea egotzita.
Baña eta Goikoetxeak nabarmendu dute "jaiekin loturarik ez duten interes politikoak Aste Nagusian funtzionatzen duen zerbait oztopatzeko erabiltzen" ari direla. Horregatik, duela 31 urtetik "jarraitu beharreko eredu bilakatu" diren jaietako eredu "plural eta parte-hartzailea babesteko" eskatu diete bilbotarrei.
politika
Bilboko Konpartsak jaietako "arriskuaz" ohartarazi du
Bilbotarrek Kaskagorri eta Txori Barrote konpartsek "jasandako erasoei buruz gogoeta" egiteko panfletoak banatu dituzte gaur hiriburuan. Bilboko Udalak bi konpartsa horiei jaietan txosnak jartzeko baimena kendu die "terrorismoa goratzen" duten irudiak eta pankartak erakustea egotzita.
Iruzkinak
Ez dago iruzkinik
Ordenatu
