"Balizko salaketen" informaziorik ez duten arren, "iragarritako asmoak gezurretan eta sasi-egietan oinarrituta" daudela salatu dute Bilboko Konpartsek. "Txupinera nahastea eta izen-abizenez seinalatzea amarru mediatiko-politikoa besterik ez da, Aste Nagusiko ikonoaren irudiari kalte egiteko asmoz".
Gogora ekarri dute ez dela lehenengo aldia Dignidad y Justiciak "funtsik gabeko salaketak" egiten dituena. Hala, "erasoa" konpartsa guztien eta "bilbotarrek aukeratu duten jai-ereduaren" aurkakoa dela salatu dute: "Iragarritako erasoa baieztatuz gero, konpartsoi ez ezik, herritar guztioi egindakoa litzateke, eta ez luke lekurik gure jai eredu herrikoian".
