Bilbon gizon bat hil zuelakoan atxilotutako gizona, espetxera

BILBO. Kartzelatu egin dute iragan igandean Bilbon gizon bat labanaz hiltzea egozten dioten gizona. Bi gizonek liskarra izan zuten Santutxu auzoko Iturribide kalean. Gizonetako batek, labana atera, eta bestea hil zuen ustez; ihes egin zuen ustezko erasotzaileak. Astelehenean identifikatu zuen Ertzaintzak, eta iluntzean atxilotu egin zuten, Lemoan (Bizkaia). Atzo deklaratu zuen epailearen aurrean.