Adi-adian moduluan, biktima hezitzaileen aurreko programetan eta Glencree egitasmoan parte hartu duten 42 biktimari emango die Giza Eskubideen Rene Cassin saria Eusko Jaurlaritzak aurten.
Epaimahaiak atzo egin zuen bilera, eta orduan hartu zuen erabakia. Sariarekin, "biktimen esfortzua eta bizikidetzari egindako ekarpena" aitortu nahi die Jaurlaritzak. Horrekin batera, biktima guztiek bizitzaren eta bizikidetzaren alde egindako "isilpeko esfortzua" ere aitortu nahi du.
Abenduaren 10ean emango dituzte sariak, Giza Eskubideen Nazioarteko Egunean. Orduan azalduko dituzte epaimahaiaren erabakiari buruzko xehetasunak.
