Bizkaiko Foru Aldundiak hurrengo lau urteetarako 45 milioi euro bideratuko ditu herrialdean turismoa sustatzeko asmoz, eta arloko industriari emango dio diru hori. Xede zehatza: 2015ean Bizkaian 1.400.000 turista izatea. Hala, turismoak urte horretan Bizkaiko barne produktu gordinaren %6a suposatuko luke —gaur egun %4,7koa da—.
Imanol Pradales (EAJ) Sustapen Ekonomikorako diputatuak aurkeztu du plana gaur, Batzar Nagusietan. "Aktibitatea eta enplegua sortzeko turismo industria lehiakorra behar dugu", esan du.
Bost lan ildo jorratuko dituzte, haren arabera: normalizazioa, dinamizazioa, merkaturatzea, profesionaltasuna eta nazioartekotzea.
