Bizkartzainek kaleratzeak salatu dituzte Lakuan

GASTEIZ. Ehun bat bizkartzain pribatuk elkarretaratze bat egin zuten atzo Eusko Jaurlaritzaren Lakuako egoitzaren parean, gobernuak onartu berri duen enplegua erregulatzeko eskaeraren aurka protesta egiteko. Salatu zutenez, langile batzordearekin akordiorik lortu gabe onartu du Jaurlaritzak erregulazio espedientea, eta, horren ondorioz, 1.400 bizkartzain kalean geratuko dira. USO sindikatuak bilera eskatu dio Herrizaingo Sailari.