Azken egunetan eskuin muturrekoen presioa jasaten ari direla jakinarazi zuten atzo auzipetutako gazteek. Atzo hitzaldi bat ematekotan ziren Madrilgo Unibertsitate Konplutentsean. Hasieran eskuin muturreko taldeek "mehatxu" egin zieten, eta gero, hitzaldia ematen ari zirela, Espainiako Poliziak unibertsitateko hiru eraikin hustu zituen jendez, bonba abisua izan zelako.
Ehun bat lagun zeuden hitzaldian. La Juventud Castellana y Revolucionariak antolatu zuen hitzaldia, eta Poliziaren azpijokoa izan zitekeen susmoa azaldu zuen. Izan ere, aurreko egunetan ere hitzaldia egin ez zedin mehatxu eta presioak jasan dituztela salatu zuten.
Astelehenean ere hitzaldia ematekoak ziren Madrilen epaiketa politikoen kontra, baina hura ere bertan behera gelditu zen azkenean.
