Hainbat bonba jaurti ditu Israelgo Armadak Gazara bart gauean, lurralde palestinarretik botatako suziriei erantzuteko. "Israelgo Aire Indarren hegazkinek azpiegitura terroristei eraso egin diete; hain zuzen, Gazaren erdialdean dagoen arma biltegi bati eta hegoaldean dagoen suziriak jaurtitzeko gune bati", jakinarazi du armadako eledun batek.
Ez dute jakinarazi biktimarik ote dagoen. Armadak argudiatu du bi suziri jaurti zituztela Palestinatik Israeleko lurraldera, eta horiei erantzunez egin dutela eraso. Palestinatik botatako suziriek ez dute inor zauritu.
