Eusko Jaurlaritzako Segurtasuan Sailak Lea-Artibai eta Mutrikuko Hitzari jakinarazi dionez, gertaera atzo arratsaldeko azken orduan gertatu zen. “Norbanako batek deitu zuen Ertzaintzara esanez emakume bat lurrean erorita zegoela eta ustez eraso sexual bat jasan zuela”, azaldu diote Hitzari. Emakumeari osasun etxera eta ospitalera lagundu zioten, han beharrezko frogak egin ahal izateko. Gaur goizean, ostera, biktima berak jarri du salaketa Ertzaintzan. EITBren arabera, atzerritarra da emakumea.
Lekeitioko Udalak azaldu du Udalbatza gaur 18:00etan batuko dela eta egin beharreko mobilizazioak zehaztuko dituztela.
