Parisko Krimen Auzitegiak eman du epaia. Hogei urteko zigorra Mikel Carrerarentzat, hamazazpikoa Marina Bernado eta Zigor Garrorentzat, hamabikoa Borja Gutierrezentzat, zazpikoa Iurgi Mendinuetarentzat, bostekoa Ibon Gogeaskoetxearentzat eta laukoa Oihan Barandallarentzat.
Joan den azaroan hasi zen Parisen ustezko zazpi etakideen aurkako epaiketa, bahiketa bidez armak eta lehergaiak lapurtzea egotzita. Epaiketaren hasieran, "militante politikotzat" jo zuten beren burua, eta Frantziako eta Espainiako estatuen jarrera kritikatzeaz batera, ETAren indarkeriak "biktima errugabeei" eragindako mina aitortu zuten.
