Bihar goizean hasiko dute Donostian Ainara Ladron, Aritz Azkona, Naroa Ariznabarreta Saioa Zerain eta Asier Alberdiren aurkako epaiketa. 2007an, Haika-Segiren aurkako auzia salatzeko, A-8 autobidea ixteagatik daude auzipetuak. Eleak mugimenduak kontzentrazioa antolatu du epaitegiaren atarian.
Epaiketa atzeratu egin zuten Ladron, Azkona eta Ariznabarreta lehen auzi saiora agertu ez zirelako. Ondorioz, haiek atxilotzeko agindua eman zuen epaileak, eta martxoaren hasiera atzeman zituzten. Eleak elkarteak salatu zuenez, eta epaiketa aste honetan egingo zutela jakin arren, hiru atxilotuak Logroño eta Valladolideko espetxeetara urrundu zituzten joan den astean. Gaur jakinarazi dutenez, ordea, atzo Martutenera itzuli zituzten.
