Nafarroako foruzainek lau gizonezko atxilotu dituzte azkeneko astean Altsasun, Barañainen, Iruñean eta Eguesibarren, emakumeei tratu txarrak eragin dizkitelakoan.
Altsasun 36 urteko gizonezkoa atzeman zuten asteazkenean, bikotekideari eraso egin ziola egotzita. Barañainen ere 36 urteko gizonezkoa atxilotu zuten, larunbatean, bikotekideari ustez saihetsean kolpea emateagatik eta iletik tiratzeagatik. Iruñean ostiralean atzeman zuten: 29 urtekoa. Bikotekide ohia jotzea leporatu diote. Eguesibarren 42 urtekoa atxilotu zuten atzo zortzi, bikotekideari eraso egin ziolakoan.
Irungo udaltzainek 41 urteko gizonezko bat atzeman zuten atzo arratsean, emaztea jotzea egotzita.
Gasteizko Udaltzaingoak hiru gizonezko inputatu ditu emakumeen kontrako tratu txarrengatik. 38, 43 eta 52 urte dituzte hirurek.
emakumeen kontrako indarkeria
Bost gizon atzeman dituzte Altsasu, Barañain, Iruñea, Eguesibar eta Irunen, emakumeen aurkako tratu txarrengatik
Iruzkinak
Ez dago iruzkinik
Ordenatu
