Sute larria izan da gaur goizean Arabatik gertu-gertu, Miranda de Ebro herrian (Burgos, Espainia), San Juan kaleko etxebizitza batean bost lagun hil egin direlako: bi ume -urtebete eta lau urtekoa-, haien gurasoak eta izeba dira. Inor ez da euskal herritarra; jatorriz Errumaniakoak dira.
Haurren aita hil da azkena; zaurituta eraman dute Barakaldoko (Bizkaia) ospitalera baina zendu egin da.
7:52an gertatu da sutea, udaletxetik gertu, eta beste pertsona bat erietxera eraman dute, zaurituta: haurren izebaren senarra.
Miranda de Ebroko udaltzainek eta suhiltzaileek, Espainiako Poliziak eta Larrialdi Zerbitzuetako kideek jardun dute sorospen lanetan.
Bost lagun hil dira Miranda de Ebron, etxe bateko sutean
Arabatik gertu-gertuko herriko ezbeharrean beste pertsona bat zauritu egin da. Ia goizeko zortziak zirela izan da gertaera. Hildakoak bi haur, haien gurasoak eta izeba dira.
Iruzkinak
Ez dago iruzkinik
Ordenatu
