Galdera erraza bezain zaila egin genien bildutakoei: Zer da zuretzat BERRIA? «Nire egunkaria, euskalduna naizen aldetik eta kultur arloan lan egiten dudan aldetik», erantzun zuen Pamielako Pello Elzaburuk. Zaldiko Maldiko elkarteko kide Juanja Iturraldek, bere partez, «euskararen normalizaziorako tresna» gisa definitu zuen egunkaria. Bost urte hauetan Euskarazko Komunikazio Taldea EKTk egindako «esfortzua» nabarmendu zuten atzoko ekitaldian bildutakoek. «Txalotzekoa da orain arte egindakoa».
Erronka berrien aurrean dagoenaren «ilusioa» azpimarratu zuen Arrizibitak. Izan ere, zabalkundea du xede EKTk, Hamaika telebistaren, Interneten, Hitzen edota BERRIA beraren bidez. EKTko Joanmari Larrartek adierazi gisa, Nafarroan ere, bi erronka nagusi ditu; batetik, Hamaika telebistaren lizentziak lortzea, eta bestetik, Iruñerriko Hitza sortzea. «Ez dira erronka errazak, baina egin beharreko lanak dira», aipatu zuen Elzaburuk. horren aurrean, galdetutako guztiek gauza bera erantzun zuten: «Herria laguntzeko prest jarraituko du».
HurrenGo eKITaLDIa
Eskualdez eskualde egiten ari diren ekitaldi sortan, honako hau da hurrengoa:Eibar. Gaur, 19:30ean, UEU Markeskoa jauregian.
