Espainiako Auzitegi Nazionalak bost urteko espetxe zigorra ezarri dio Kemen Urangari, ETA lagundu izana leporatuta. 2000. urtean erakunde armatuko militanteentzako bi etxe alokatu izana egotzi diote Urangari.
Epaitegiak frogatutzat eman du Urangak Basauriko eta Bilboko bi etxebizitza alokatu zituela, ETAko militanteek erabil zitzaten.
2000ko azaroan bertan, poliziak bi etxeak miatu zituen, ETAren aurka egindako operazio batean. EFE agentziaren arabera, Basauriko etxean lehergailuak aurkitu zituzten, eta Bilbokoan, orain zigortutakoaren hatz markak.
