Guardia Zibilak bi pertsona atxilotu ditu, Espainiako nahiz Euskal Herriko farmazietan botikak legez kanpo erosi eta ondoren Europa iparraldeko estatuetan saltzea leporatuta. Operazioan, 300.000 euro inguruko balioa duten 12.000 botika kaxa ere eskuratu dituzte, eta hamahiru lagun auzipetu dituzte sarean zerikusia izatea egotzita.
Operazioa iazko uztailean hasi zuten, Nafarroako botika bateko jabeak salaketa jarri ostean. Haren arabera, telefono dei bat jaso zuten soilik partikularren eros zitzaketen botikak eskatuz.
Sareak Valentzian zuen biltegia, eta botiketako jabeekin "salneurri berezia" hitzartzen zuen; era horretan, botikek irabaziak handitu zitzaketen.
Botikak Erresuma Batuan, Belgikan eta Danimarkan saltzen zituzten, herrialde haietan produktu horiek berak hiru aldiz garestiago saltzen direla baliatuz.
