Bozetan parte hartzera deitu du CCOO sindikatuak

«Historiako krisi ekonomiko sakonena bizitzen ari garen une honetan oinarrizkoa eta funtsezkoa delako», hauteskundeetan parte hartzera deitu die CCOO sindikatuak bere afiliatu guztiei, botoa nori eman aholkurik eman ez duen arren.

CCOOko batzorde eraileak esan du enplegu galeraren «odolustea» geratzeko eta lanpostuak sortzen hasteko ezinbestekoa dela administrazio guztiek, gizarte eragileek eta ordezkari politikoek parte hartuko duten hitzarmen bat bultzatzea. Ondasun eta zerbitzuen prezioen gainean eta etxebizitzen gainean esku hartu behar dela uste du sindikatuak, eta zerga sisteman eta finantzetan erreforma sakona egitera deitu du.