Bularreko PIP protesien sortzaileak atxilotu dituzte Frantzian

Jean-Claude Mas, bularrak handitzeko PIP protesien sortzailea, atxilotu zuen jendarmeek atzo goizean. Six-Fours herrian atxilotu zuten. Annaick Le Goff epaileak agindu du atxiloketa, nahi gabe eragindako hilketak leporatuta. Bost urteko kartzela zigorra eta 75.000 euroko isuna jaso ditzake. PIP protesiak saltzen zituen enpresako aurreko arduradun exekutiboa, Claude Couty,ere atxilotu zuten atzo, Seyne-sur-Mer herrian. Ehunka mila protesi saldu zituzten, kaltegarriak izan zitezkeela ohartu ziren arte.