BURTSA. BURTSA

Nahi eta ezin aritu da talde laranja. Ibex-35 indizea bezala. Biek ere aurrean zituzten zailtasunak handiak dira: batetik petrolioaren garestitzea, Iberiari %3,12 galaraziz. Etapak irabaztea beti da zaila, Ekialde Hurbilean bortizkeria esprinta badago: dirua akzioetatik errenta finkora joan zen, indize guztiak gorrituz. Mayo liderrak pott egin zuen, atzo Edurnezurik (-%1,3) lez. Isasi saiatu zen bezala, Bankinter (+%0,74) banku laranja ere saiatu zen, baina tropelkideek ez zioten lagundu. Teknologia enpresek bolada txarra daramate gainera: Nokiak bai, baina Ericssonek ez baitie iazko bigarren hiruhileko emaitzei eutsi(%2 gutxiago irabazi baitu). Nuevo Mercadon %4na pasa galdu zuten Abengoa eta Jazztelek, %2na pasa Puleva eta Tecnocomek eta, Zeltia eta Ibex-35eko Indrak ere %1na pasa. Fadesak (-%6,6) %16 Ã’bainoÓ ez ditu mozkinak handitu. 2.215 milioiren salerosketa, Euskaltelen ahalegina lez, ez da gutxi.

Eraikuntza. ACS (-%1,56) eraikuntza enpresak, Dragados filialaren bidez, lau fosfato lantegi eraikiko ditu Saudi Arabian. Ongarri industria garatzeko egitasmoak 192 milioiko aurrekontua du. Bistan da, dibertsifikazio geografikoa landu duela Florentinok.

Araudi aldaketa. Erosketa Eskaintza Publikoen (EEP) araudi berria proposatzea onartu du Espainiako gobernuak. Horren arabera, enpresa baten boto eskubideen %30 gainditzen dutenek kapitalaren %100aren gaineko EEP bat aurkeztu beharko dute. Europako legedien ildoan.