Atzotik kalea itxita dago Ertzaintzaren pilota batek Iñigo Cabacas larri zauritu eta hil zeneko gertaerak berregiteko. Jone Goirizelaia familiaren abokatua han dago ikertzaileak egiten ari diren lana bertatik jarraitzen, eta inguruko tabernetan gau hartan lanean egon ziren tabernariak ere deitu dituzte. Bi tabernak egun hartan kanpoan jarri zituzten barrak jartzeko eskatu dute poliziek, besteak beste, neurketak egiteko.
