Hamabost urte zeramatzan ihes eginda Carlos Garcia Preciado andoaindarrak. Espainiako Barne Ministerioak jakinarazi duenez, ordea, goizean atxilotu du Italiako Poliziak, Erroman, Espainiako eta Frantziako agintariek emandako atxilotze aginduei jarraikiz.
Garcia Preciadori hamasei urteko kartzela zigorra ezarri zioten, 1997an Andoainen banku baten bulegoak erretzeagatik. Horretaz gain, beste hiru urteko kartzela zigorra ere jarri zioten Frantzian, ETAko kidea izatea egotzita.
Atxiloketa honen harira Sortuko eledun Pernando Barrenak esan du "gatazkaren konponbideak espetxeak hustutzeko politikak" behar dituela, "eta inondik ez berauek betetzen jarraitzekoak". Atxilkoketa garaiz kanpokotzat jo du, lekuko baten deklarazioan oinarritutako duela 18 urte izaniko gertaerengatik atxilotu baitute.
