Zehazki, ETArekin harremana zuten ekintzetan parte hartzeagatik zigortu zuen Parisko Auzitegiak Iñigo, "Frantzian zein Espainian" egindako delituengatik, eta "Frantziara heldu aurretik zein lehenago" egindakoengatik. Ondorioz, zigor horretan egun Espainian lepora dakiokeen delitu guztiak sartzen direla iritzi dio Garzonek.
2001eko uztailaren 31an auzipetu zuen Espainiako Auzitegi Nazionaleko epaileak Carlos Iñigo, Jarraiko eta Haikako beste 30 bat kiderekin batera. Ekineko kide eta, ondorioz, ETAko egitura politikokoak, izatea leporatu zien. Martxoan, Haikako buruzagiak atxilotu zituztenean, Frantziara alde egin zuen Iñigok, eta han atxilotu zuten, azaroaren 9an. Ordutik urtarrilaren 29an Espainiara eraman zuten arte, Frantziako kartzeletan egon da.
Presoak
Carlos Iñigo aske uztea erabaki du Espainiako Auzitegi Nazionaleko epaile Baltsar Garzonek
Urtarrilaren 29an Frantziatik Espainiara eraman, eta, harrezkero, espetxean zegoen Carlos Iñigo aske uzteko agindu du Baltasar Garzon Auzitegi Nazionaleko epaileak. Ekineko kide zenez ETAko egitura politikoko kide izatea leporatzen zion Garzonek Iñigori, eta horregatik agindu zuen Espainiara eraman zutenean kartzelan sartzeko. Orain, ordea, delitu horregatik dagokion zigorra jada Frantzian bete duela ebatzi du Garzonek, eta aske lagatzeko agindu du. Izan ere, Frantzian hiru urtez espetxean egon zen Iñigo "ETAri laguntzeagatik".
Iruzkinak
Ez dago iruzkinik
Ordenatu
