Carlos Santamaria eraikina zabaldu du EHUk

DONOSTIA. EHUk eraikin berri bat inauguratu du Donostiako campusean, Carlos Santamaria zentroa.Donostiako matematikari, filosofo, meteorologo, euskaltzale eta bakezalearen omenez jarri diote izena. Eraikinak barruan izango ditu campuseko liburutegia eta baliabide eta zerbitzu berri batzuk. Helburua gizarte zientzien arloan erreferentea izatea da.