CDNk koalizioa osatzeko proposamena egin die UPN eta PPri

2011ko foru hauteskundeei begira dago CDN alderdia. "Bakoitzak bere izaera galdu gabe eta betiere Nafarroaren izaera mantenduz" PP eta UPNri koalizioa osatzeko proposamena egin die. Jose Andres Burgete CDNko presidenteak nabarmendu du "NaBairi aurre egiteko alderdia" osatu nahi duela. Hala

ere, "alderdikeriatik at egongo den alderdia" izango dela adierazi du Burgetek. Gaineratu du PSNri ere egin diezaioketela koalizio proposamena.

Koalizioaren oinarriak azaltzeko bilera errondarekin datorren astean hasiko da CDN. Hala ere, eskaera ofiziala irailean egingo dute.

CDN, UPN eta PPren arteko koalizioak ez badu fruiturik ematen, hauteskundeetan "bakarrik" aurkeztuko direla jakinarazi du CDNko presidenteak. UPNk jada aurreratu du "koalizioetan pentsatzen hasteko goizegi" dela.