Zehaztapena egin nahi izan dute Hezkuntza Saileko prentsa iturriek. "Ez zuen egoitza berriaren inaugurazioan parte hartu". Hondarribian (Gipuzkoa) elkarteko ordezkariek beren egoitza berria inauguratzen zuten bitartean, sailburua beste hainbat kiderekin batera, Hondarribiko Arma plazaren -hantxe dago egoitza berria- albo batean egon zela esan dute, ekitaldian parte hartu gabe.
Behin ekitaldi hori bukatuta, ordea, inaugurazioaren harira antolatutako pintura erakusketara sartu zela onartu dute. "Hondarribian bizi da, eta izaten du herriko pintura erakusketetara joateko ohitura", azaldu dute. Jaso zuen gonbidapena, gainera, pintura erakusketarako zela esan dute, eta ez egoitza berriaren inauguraziorako. Alarde Fundazioak berak argi eta garbi lotu ditu, ordea, egoitza berriaren irekitzea eta pintura erakusketa, Javier Sagarzazu margolariarena.
